Pic by p v ariel
മരങ്ങള്‍ നമ്മുടെ ഉറ്റ മിത്രങ്ങള്‍
അവയെ നമുക്ക് നിഷ്കരുണം
നശിപ്പിക്കാതിരിക്കാം .
മറിച്ചു
അങ്ങനെ ചെയ്താല്‍ അതൊരുപക്ഷേ
നമ്മുടെ തന്നെ നിലനില്‍പ്പിനു മുന്നില്‍/കാല്‍ക്കല്‍
കോടാലി വെക്കുന്നതിനു തുല്യം!
അങ്ങനെ ചെയ്താല്‍ അതൊരുപക്ഷേ
നമ്മുടെ തന്നെ നിലനില്‍പ്പിനു മുന്നില്‍/കാല്‍ക്കല്‍
കോടാലി വെക്കുന്നതിനു തുല്യം!
000
മര നശീകരണം കണ്ടു മനം നൊന്തപ്പോള്‍
എഴുതിയ ഒരു കുറിപ്പ്/കവിത എന്ത് പേരു വേണമെങ്കിലും ഇതിനിട്ടോളൂ വിളിച്ചോളൂ
അതു ഇവിടെ പകര്‍ത്തുന്നു.
എഴുതിയ ഒരു കുറിപ്പ്/കവിത എന്ത് പേരു വേണമെങ്കിലും ഇതിനിട്ടോളൂ വിളിച്ചോളൂ
അതു ഇവിടെ പകര്‍ത്തുന്നു.
 |
| A View From Secunderabad City. A Picture by p v ariel, |
മരങ്ങളില്‍ മനുഷ്യ ഭാവി
ഇന്നലെ ഞാനാ ടാറിട്ട റോഡിന്നരികില്‍- കണ്ട ആ തണല്‍മരം
ഇന്നെവിടെപ്പോയി മറഞ്ഞെന്റെ സോദരാ?
റോഡു വിസ്തൃതിക്കെന്നും വീട് നിര്‍മ്മാണം-
പിന്നെ പുരോഗമനം എന്നും പറഞ്ഞാ-
രാഷ്‌ട്ര നിര്‍മ്മാണപ്രവര്‍ത്തകരും, നാട്ടുകാരും
ചേര്‍ന്നതു വെട്ടി മാറ്റിയെന്‍ സോദരാ!
"ഹാ !! കഷ്ടം എന്ത് പുരോഗമനം ഇതു?"
ഓര്‍ത്തു ഞാന്‍ മൂക്കത്ത് വിരല്‍ വെച്ചു പോയി!
മാനവ ജാതി തന്‍ നിലനില്‍പ്പു തന്നെയും
മരങ്ങളില്‍ ആശ്രയം തേടി നില്‍ക്കുന്നെന്ന്
കൊട്ടി ഘോഷിക്കുന്ന പരിതസ്ഥിതി ഗെവേഷകരിതു-
കണ്ടില്ലന്നു നടിക്കുന്നതും കഷ്ടം!
"ആലിന്‍ തയ്യിനോരാള്‍ വെള്ളമലിവോടൊഴിക്കുകില്‍
വളരുമ്പോഴതേകുന്നു വരുവോര്‍ക്കൊക്കെയും തണല്‍"
എന്ന കവി വാക്യം ഇവര്‍ പാടേ മറന്നുവോ?
എത്തിടും പിന്നേയും ഒരു പരിതസ്ഥിതി ദിനം
'ജൂണ്‍' ആദ്യ വാരം വന്നെത്തുന്നാദിനം
ആര്‍ഭാഡത്തോടെയടിച്ചു പൊളിക്കുന്നൂ ചിലര്‍.
അവിടെയും ഇവിടെയും ചിലര്‍ മരത്തൈകള്‍ നാട്ടിയും
വെള്ളം പകര്‍ന്നും അതൊരു പതിവ് ചടങ്ങാക്കി മാറ്റുന്നു.
വിശ്രമം കൊണ്ടീടും പിന്നവര്‍ അഭ്രപാളികള്‍ക്കുള്ളില്‍.
ഒപ്പം കാത്തിരിക്കും അടുത്ത ആഘോഷ ദിനത്തിനായ്
കാലങ്ങള്‍ നീളണ്ട ഇതാ വരുന്നു മഴുവുമായി മറ്റു ചിലര്‍-
അപ്പാവം മരങ്ങള്‍ തന്‍ കടക്കല്‍ കോടാലി വെക്കുവാന്‍.
അവേശമോടവര്‍, ആര്‍ഭാടമോടവര്‍ വെട്ടി മാറ്റുന്നാപ്പാവം മരങ്ങളെ.
പുതിയൊരു മരം നട്ടു പിടിപ്പിക്കുവാന്‍ കാട്ടീടുമോ ഈയോരാവേശം?
അതുണ്ടാവില്ലാ ദൃഡം തര്‍ക്കമൊട്ടുമേ വേണ്ടിതില്‍.
അങ്ങനെ ചെയ്കില്‍ അതല്ലേ സുഹൃത്തേ
അവര്‍ തന്‍ തലമുറക്കേകിടും ആശിഷം
അതല്ലേ നമ്മള്‍ തന്‍ സംസ്കാരവും വേദവും ഓതീടുന്നതും
ഹൈന്ദവ വേദമാം ഭഗവല്‍ഗീത തന്‍ താളുകളില്‍ നാം കാണുന്നീവിധം:
"മരങ്ങള്‍, തന്‍ സര്‍വ്വവും മാനവ രാശിക്കായ്
മനസ്സോടെ ഏകുന്നു തങ്ങള്‍ തന്‍ മരണം വരെ"
ഇത്ര വന്‍ ത്യാഗം നമുക്കായി ചെയ്യുന്ന പാവം മരങ്ങളില്‍
ഇനിയെങ്കിലും അല്‍പ്പം ദയ കാട്ടീടുമോ മരം വെട്ടിടും പ്രിയരേ!
ഇത്ര നല്‍കാര്യം നമുക്കായി മൂകരായ് ചെയ്യും മരങ്ങളെ
ഇത്ര ക്രൂരമായ് വെട്ടി മാറ്റീടെണമോ ?
ക്രൈസ്തവ വേദമാം ബൈബിള്‍ തന്‍ സൃഷ്ടി വര്‍ണ്ണനയിലും
കാതലാമീസത്യം വായിക്കുന്നീവ്വിധം:
"കിഴക്കുള്ളോരേദനില്‍ ദൈവം മനുഷ്യനെ-
കായ് കനികള്‍ നിറഞ്ഞൊരു തോട്ടത്തിലാക്കി വാഴുന്നതിനായി."
മാനവ ജാതി തന്‍ നിലനില്‍പ്പു തന്നെയും
മരങ്ങളില്‍ തങ്ങി നില്‍ക്കുന്നുയെന്നുള്ള ധ്വനിയല്ലേ
ഈ സൃഷ്ടീ വിവരണം വിളിച്ചോതീടുന്നതും
വലിയൊരപകടം നാം നേരിടും മുന്‍പേ
ചെറിയോരോ തൈകള്‍ നട്ടു നാടിനെയും
നാട്ടാരെയും നമുക്കു രക്ഷിക്കാം!!!
o0o
താഴെ കൊടുക്കുന്ന ബ്ലോഗ്‌ ലിങ്കില്‍ അമര്‍ത്തി ഇതിനോടനുബന്ധിയായ ഒരു ലേഖനവും ചേര്‍ത്തു വായിക്കുക
മരങ്ങളില്‍ മനുഷ്യ ഭാവി! മരം മുറിക്കുന്നവര്‍ ജാഗ്രതൈ!! Human Existence Depends On Our Natural Resources
കടപ്പാട്
ഫിലിപ്സ്കോം
മനസ്സ്,കോം
.jpg)
