Pic Credit: starlight-creations.com |
മുന് കുറിപ്പ് :
ഇത് ആരുടെയും വിശ്വാസത്തെ ചോദ്യം ചെയ്യുന്നതിനോ, അവഹേളിക്കുന്നതിനോ കുറിച്ചതല്ല എന്ന് ആദ്യമേ പറയട്ടെ! മറിച്ചു, ഇന്ന്
സമൂഹത്തില് അരങ്ങേറുന്ന ഇത്തരം കാര്യങ്ങള് കണ്ടപ്പോള് മനസ്സില് വന്നതു കുറിച്ചു അത്രമാത്രം.
ഇതിനോട് യോജിക്കുകയോ വിയോജിക്കുകയോ ആകാം.
എങ്കിലും നിങ്ങളുടെ മനസ്സില് ഉള്ളതും വിശ്വാസവും ഇവിടെ കുറിക്കുക.
നന്ദി
നമസ്കാരം
സസ്നേഹം
ഫിലിപ്പ് വറുഗീസ് 'ഏരിയല്'
സിക്കന്ത്രാബാദ്
നാം അന്ധവിശ്വാസത്തിന്റെ ഊരാക്കുടുക്കിലേക്കു വീണ്ടും വഴുതി വീഴുകയോ?
കൈ നോട്ടം, വാരഫലം തുടങ്ങിയവയെപ്പറ്റി ഒരു കുറിപ്പും അതേപ്പറ്റി ചില ചര്ച്ചകളും അടുത്തിടെ വെബ് ദുനിയാവില് വായിക്കാനിടയായി.
കുറേ
നാളുകളായി എന്റെ മനസ്സിലൂടെ കടന്നു പൊ യ്ക്കൊണ്ടിരിക്കുന്ന ഒരു വിഷയമത്രേ
ഇത്, ഇതേപ്പറ്റി ഇംഗ്ലീഷ് പ്രസിദ്ധീകരണങ്ങളില് പലയിടങ്ങളിലായി
(India Today, The Week, Outlook, The Sunday Indian തുടങ്ങിയവയില്) പല
സന്ദര്ഭങ്ങളിലായി കത്തുകള് രൂപേണ ചിലതെല്ലാം എഴുതി
പ്രസിദ്ധീകരിച്ചെങ്കിലും അവയെല്ലാം ക്രോഡീകരിച്ചു ഒരു കുറിപ്പ് എഴുതണം
എന്ന് വളര നാളായി ആഗ്രഹിക്കുകയായിരുന്നു. അതിനൊരു തുടക്കം എന്ന നിലയില്
കഴിഞ്ഞ ദിവസം ഫയ്സ് ബുക്കിലെ ഒരു സുഹൃത്ത് ചോദ്യ രൂപേണ ഇട്ട ഒരു
കുറിപ്പ് അതേപ്പറ്റി വീണ്ടും ചിന്തിക്കുവാനും ഈ കുറിപ്പ് എഴുതുവാനും
കാരണമായി.
ആ കുറിപ്പുകളില് ചേര്ത്ത ഒരു വിശ്വസനീയമായ സംഭവം ഇവിടെ കുറിക്കട്ടെ.
പേരുകേട്ട ഇല്ലുസ്ട്രട്ടെഡ വീക്കിലി ഓഫ് ഇന്ത്യയുടെ (Illustrated Weekly of India) പത്രാധിപരായിരുന്ന ശ്രീ കുഷ്വന്ത് സിംഗ് (Kushwanth Singh) ഒരിക്കല് ഇപ്രകാരം പറയുകയുണ്ടായി. "വാരികയില് സ്ഥിരമായി വാരഫലം എഴുതിക്കൊണ്ടിരുന്ന പണ്ഡിറ്റ് പത്രം വിട്ടു പോയി, ധാരാളം വായനക്കാരുള്ള വാരഫലം
പംക്തി അതുമൂലം മുടങ്ങുകയും ചെയ്തു. വായനക്കാരുടെ അന്വേഷണ കത്തുകള്
വാരികയിലേക്ക് വരാന് തുടങ്ങി. ഇനി എന്തു ചെയ്യും? ഞാന് ആലോചിച്ചു. കാര്യം
സംഗതി വെറും പുളുവാണെങ്കിലും വായനക്കാരെ മുഷിപ്പിക്കുവാന് പാടില്ലല്ലോ.
ഞാന് പെട്ടന്ന് വാരികയുടെ പഴയ കുറെ ലക്കങ്ങള് പരിശോധിച്ച് പഴയ വാരഫലപ്പേജിലെ സംഗതികള് അങ്ങോട്ടും ഇങ്ങോട്ടും മാറ്റി മറിച്ച്, ഒരു അഴിച്ചുപണി
നടത്തി ഒരു പുതിയ വാരഫലക്കാരന്റെ പേരും ഇട്ടു അടുത്ത ലക്കം വാരികയില്
വാരഫലം പ്രസിദ്ധീകരിച്ചു. എന്തിനധികം വൈകാതെ വായനക്കാരുടെ അഭിനന്ദന
കത്തുകളുടെ ഒരു പ്രവാഹം തന്നെ വാരികക്ക് കിട്ടിത്തുടങ്ങി"
ഇത് തന്നെയല്ലേ ഇന്ന് മിക്കിടത്തും നടക്കുന്നത്?
വായനക്കാരുടെ അനുഭവവും അഭിപ്രായവും ഇതോടുള്ള ബന്ധത്തില് കമന്റു കോളത്തില് ചേര്ത്താലും.
ഇതോടുള്ള ബന്ധത്തില് ഇംഗ്ലീഷില് എഴുതിയ എന്റെ ഒരു ലേഖനം ഇവിടെ വായിക്കുക.
Pic. Credit. CLS India, Mumbai |
ഒരു പിന്കുറിപ്പ് :
അടുത്തിടെ മഴവില് മനോരമയില് നടന്ന ഒരു സംവാദത്തെപ്പറ്റി ശ്രീ രവിചന്ദ്രന് തന്റെ നാസ്തികനായ ദൈവം എന്ന ബ്ലോഗില് എങ്ങാനും ശരിയായിരുന്നെങ്കില് ......!! എന്ന തലക്കെട്ടില് എഴുതിയ ഒരു കുറിപ്പ് ഇതോടു ചേര്ത്ത് വായിക്കുക.